@mediavmap/2024
S.E Sekretaria Estadu Igualdade, ne’ebé reprezenta S.E VMAP, Sra. Elvina de Carvalho, hola parte iha plenária durante “período de antes ordem do dia”, hodi halo diskusaun no rona intervensaun diversa husi deputadu sira kona-ba asuntu sosiál no polítika sira ne’ebé akontese iha ita-nia rai laran.
Nune’e S.E SEI mós halo intervensaun hodi hateten katak, “Asuntu sira ne’ebé hato’o, ami sei rejista hodi hato’o iha reuniaun konsellu ministru loron kuarta semana ne’e. Dadaun ne’e mós IX Governo dezelvolve hela programa edukasaun ekivalensia ba 3 Siklu ho nia durasaun tinan 2 to’o tinan 7. IX Governo mós komprometidu ho programa hodi servi povu di’ak liu no sei rezolve problema iha setór hirak ne’ebé deputadu sira hatoo”.
Aleinde ne’e iha fali “período da ordem do dia” S.E SEI reprezenta S.E VMAP akompaña S.E Ministro Ensino Superior, Sr. José Honório, hodi halo diskusaun no votasaun final global ba Proposta Lei n0 5/VI (1a) – Lei de Base do Ensino Superior.
Nune’e Parlamentu Nasionál aprova ona iha final global ba proposta Lei n0 5/VI (1a) – Lei de Base do Ensino Superior ho votus, 38-A favór, 9-Kontra no 4-Abstensaun.
Lei refere ho objetivu ida katak, oinsa bele estabelese kuádru jerál, espesífiku ba sistema edukasaun iha nivel superior no regula organizasaun sistema edukativu.
Iha parte seluk S.E SEI hamutuk ho Parlamento Nasionál halo akompañamentu ba eleisaun eskrutinu ba Komisáriu CAC ne’ebé eleitu, Sr. Rui Pereira dos Santos ba periodu tinan 4 ho rezultadu votasaun, 41-A favór, 4-Kontra no 0-Abstensaun.
