Centro Nacional Chega!I.P no Community Housing Limited (CHL), Inaugura no entrega Uma Memória ba Esperansa unidade rua (2) iha aldeia Auhun, suku Bekora no Suku Kuluhun, Postu Admistrativu Cristo Rei, Munisipiu Dili, ba sobrevivente konflitu pasadu nain rua ho naran Pedro Pererira de Araujo no Antonia Carvalho Soares.
Uma memória hanesan programa ida husi Centro CHEGA! I.P. ho orsamentu ne’ebe preve iha OGE-2023 hodi ajuda sobrevivente ba konflitu sira iha pasadu.
Objetivu entrega uma ba sobrivente sira atu dignifika no valoriza kontribuisaun luta ba ukun rasik-an.
Reprezentante GVMAP, Sr. Fernando Soares nu’udar Xefe Gabinete, partisipa iha atividade refere ne’ebé entrega direta husi Diretor Ezekutivo CHEGA! I.P. Sr. Hugo Fernandes hamutuk ho ekipa.
Diretor Ezekutivu CHEGA! I.P., Sr. Hugo Fernandes, iha diskursu hateten “ agradese ba IX Gogovernu Konstituisional tanba, liuhusi OGE 2023 bele kria programa apoio sobrevivente sira liuhusi harii uma memória, servisu ida lao diak tebes tanba parseria ho Xefe Suku, Admistrador Postu Administrativu no komunidade sira, halo uma ida ne’e diak tanba parseria diak tebes husi Community House Limited (CHL), Centro CHEGA halo ida ne’e hanesan medida reparativu ba sobrevivente sira”.
Serimónia entrega uma rua ne’e hala’o iha aldeia Auhun, Suku Becora, Postu admistrativu Cristo Rei, Munisipiu Dili, marka prezensa iha seremonia ne’e S.E. Vise-Ministru Admistrasaun Estatal, Sr. Jacinto Rigoberto de Deus, reprezentante Ministeriu Soliedariedade Sosial, reprezentante VMAP, Sr. Fernando Soares , estrutura admistrasaun CHEGA! I,P no parseiru sira.