Dili, 16 Setembro 2024, Sesaun solene ba abertura Segunda Legislativa ba VI Lejislatura ne’e dirije husi S.E Prezidente Repúblika Demokrátika Timor-Leste, Dr. José Ramos Horta.
Iha fatin hanesan Bankada Parlamentares sira mak hanesan Bankada CNRT, PD, FRETILIN, KHUNTO no PLP hodi halo intervensaun no kontinua kedas ho diskursu husi S.E PR no S.E PN.
“Nu’udar ita hahú sesaun lejislativa ida tan, ha’u reitera ha’u-nia kompromisu atu kontinua servisu hamutuk ho Governu, Parlamentu Nasionál no Órgaun sira AdministrasaunJjustisa nian, hodi hatán ba ita-nia povu nia hakarak. Futuru Timor-Leste nian depende ba ita-nia kompromisu koletivu atu promove polítika sira ne’ebé garante dezenvolvimentu inkluzivu, sustentável no ne’ebé refleta valór sira ne’ebé define ita nu’udar nasaun”. Dehan Prezidente da Repúblika José Ramos Horta.
Aleinde ne’e S.E Prezidente Parlamentu Nasional, hamutuk ho Prezidente Repúblika, Primeiru Ministru no Reprezentante Presidente Tribunal Rekursu, halo abertura dere babadok hodi fo inisiu ba Segunda Sesaun Legislativa ba VI Lejislatura, no inagura inisiu uzu sistema digital foun ne’ebé kombina ho imajen no lian.
Sesaun solene ne’e prezide husi S.E Prezidente Parlamentu Nasionál, Sra. Maria Fernanda Lay, ho marka prezensa maximu husi S.E Primeiru Ministru Sr. Kay Rala Xanana Gusmão, Deputadu VI lejislatura, membru Governu sira, reprezentante Prezidente Tribunal Rekursu, embaixadores no mós konvidadu de honra balun.
