Praia 03 de Outubro 2024 – CERMI hetan onra hodi simu vizita husi Vise-Ministru ba Asuntus Parlamentares, Prezidénsia Konsellu Ministru Republika Demokratika Timor-Leste, Dr. Adérito Hugo da Costa.
Prezidente CERMI, akompaña husi Diretor Jeral Sentru Treinamentu Cabo Verde no kolaborador sira seluk, aprezenta instalasaun sira-ne’e no esplika oinsá sentru ne’e servisu.
Dr. Aderito Hugo da Costa halo avaliasaun pozitivu ida kona-ba nia vizita, hodi subliña importánsia husi parseria no troka esperiénsia.
Delegasaun ne’e kompostu mós husi Vise-Sekretariu Estadu ba Primeiru-Ministru, Lourenco Lopes, Diretor Gabinete Ministru Prezidénsia Konsellu Ministrus no Asuntu Parlamentar, Carla Monteiro, husi Asesor Ministru Asuntu Parlamentar, Kelly Tavares no husi Ofisial Protokolu Estadu, Arlindo Lopes. Ami apresia imi-nia vizita no reforsa ami-nia disponibilidade ba kolaborasaun iha futuru!
Hafoin vizita CERMI, Vise-Ministru ba Asuntus parlamentares, Prezidénsia Konsellu Ministru Republika Demokratika Timor-Leste, hamutuk ho delegasaun vizita fatin istóriku Cidade Velha no Sentru Kultura Cidade Velha.
Cidade Velha mak fatin ida ne’ebe iha istória no kultura barak hahu iha tinan 1462, Cidade Velha mak tinan bo’ot liu iha nasaun no kapital uluk iha Cabo Verde.
Nune’e liu hosi vizita ne’e bele hetan esperiénsia hodi bele prezerva fatin istóriku iha Timor-Leste ho diak. (Remata)