Dili, 07 de Outubro 2024 – S.E Vise-Ministru ba Asuntus Parlamentares Sr. Adérito Hugo da Costa reprezenta Ministru Prezidensia Konsellu Ministru (MPCM), hamutuk ho SECOMS Sr. Expedito Dias Ximenes, Prezidente Komisaun Funsaun Públika, Sr. Agostinho Letêncio de Deus no Prezidente Institutu Nasional Seguransa Sosial, Sr. Arlindo Pinto partisipa iha diskusaun no votasaun iha generalidade Proposta Lei n.o 11/VI (1.a) – Autorização legislativa em matéria de fixação de limite de idade para a relação de trabalho de funcionários públicos e agentes administração.
Lei refere passa iha final global ho votus 37- Afavor, 3-Abstensaun no 0-Kontra, nune’e lei refere autoriza Governu atu halo lejizlasaun hodi fixa limite idade no kauza sira hakotu relasaun traballu nian iha administrasaun públika ne’ebé prevee iha artigu 116 husi Lei nú 8/2004, loron 16 fulan-juñu nian, aprova Estatutu Funsaun Públika nian, ne’ebé altera husi Lei nú. 5 /2009, 15 Jullu.
Iha intervensaun S.E Vise-Ministru ba Asuntus Parlamentares Sr. Adérito Hugo da Costa reprezenta Ministru Prezidensia Konsellu Ministru (MPCM) hateten, “pontu importante iha lejislasaun ida ne’e mak ita haree ba 22 anos ita-nia funsaun públika funsiona, ita hahu ho ita nia administrasaun públika ida boas pratika bele guia ita ba administrasaun organizadu no ita hotu nia observasaun ohin refleta situasaun ida katak ita tenke hadia setór ida ne’e”.
Iha intervensaun S.E Vise-Ministru ba Asuntus Parlamentares Sr. Adérito Hugo da Costa reprezenta Ministru Prezidensia Konsellu Ministru (MPCM) hateten, “pontu importante iha lejislasaun ida ne’e mak ita haree ba 22 anos ita-nia funsaun públika funsiona, ita hahu ho ita nia administrasaun públika ida boas pratika bele guia ita ba administrasaun organizadu no ita hotu nia observasaun ohin refleta situasaun ida katak ita tenke hadia setór ida ne’e”.
Nia hatutan liutan katak IX Governo fo apresiasaun ba Komisaun A ba relatório pareser ne’ebé mak kontempla vizaun jeral Governo nian hamutuk ho Komisaun Funsaun Públika.
Iha sorin seluk ita bele dehan katak lejislasaun atuál laiha limite legál ba funsionáriu públiku no ajente administrativu sira atu hetan obrigasaun atu reforma, maski sira bele husu sira-nia pensaun veliche bainhira sira atinje ona idade mínimu ne’ebé legalmente estabelese no kompleta ona períodu mínimu servisu nian.
Ikus liu sesaun plenária ne’e prezide husi Prezidente Parlamentu Nasionál, Maria Fernanda Lay, no marka prezensa husi ekipa KFP, SECOMS, INSS no distintus deputadu sira.