Ministériu Dezenvolvimentu Rurál no Abitasaun Komunitária (MDRHC), hola parte iha audénsia pública hodi prezenta programa, sub-programa no atividade tinan 2025 ba iha Komisaun D, iha loron 18/10/2024.
Durante audensia públika Ministru Dezenvolvimentu no Habitasaun Komunitaria aprezenta progresu ezekusaun orsamentu 2024 nian no aprezenta mos OGE 2025 ho nia programa esensial sira ne’ebé sei implementa iha tinan 2025.
Totál orsamentu MDRHK ba tinan 2025 hamutuk US$13.000.721,00, salariu no vensimentu hamutuk 25%, Bens Servisu hamutuk 14%, Tranferênsia Públika hamutuk 38%, Kapital Dezenvolvimetu hamutuk 23%, enkuantu Kapital Menor 0%.
Iha Orsamentu Jerál tinan 2025 Ministériu Dezenvolvimentu Rurál no Abitasaun Komunitária (MDRHC) nia foku ba programa sira ne’ebé kompostu hosi funsionamentu no dezenvolvimentu institusionál, revitalizasaun komunitária no abitasaun komunitária ho ninia atividade hamutuk Haat-nulu (40).
Programa hirak ne’e ninia finalidade iha tinan 2025, atu halo transformasaun ba zona rurais sira no harii abitasaun komunitária ne’ebé dignu no saúdavél.
Iha audensia ne’e marka prezensa husi Prezidente Komisaun D, Sr. Ricardo Baptista, Ministru Dezenvolvimentu Rural no Habitasaun Komunitaria Sr. Eng. Mariano ASSANAMI Sabino, no membro Deputadu sira iha Komisaun D.