Exelénsia Vise-Ministru Assuntu Parlamentáres Señor Adérito Hugo da Costa ne’ebé akompaña hosi Sekretáriu Estadu Komunikasaun Sosiál, Señor Expedito Dias Ximenes, hato’o pontu importante sira ne’ebé deskute entre Governu lideradu hosi Sua Exelénsia Primeiru Ministru, Señor Kayrala Xanana Gusmão iha plenária ho deputadu/a sira iha loron 06 fulan-Novembru tinan 2024,
Parlamento Nasional, 06 de Novembro 2024 – Iha aprezentasaun Vise-Ministru ba Asuntus Parlamentares – VMAP, esplika katak, depois submete Orsamentu Jeral Estadu – OJE 2025 ba Parlamentu Nasionál, Governu halo ona Audénsia Públika ho komisaun espesialidade sira, ne’ebé audiénsia públika hala’o ho liña Ministeriais relevante sira no mós ho instituisaun direta no indereta ba Estadu nian, inklui Prezidénte Autóridade Munisipiu sira hotu no Rejiaun Administrativa Espesiál Oekusse – Ambeno (RAEOA).
Hosi Audénsia Públika ne’ebé partisipa ativamente husi liña Ministeriais sira no instituisaun direta nomós indireta Estadu hotu, mak hodi hetan rezultadu pareser ida ohin Prezidénte komisaun C aprezenta hamutuk mós ho paraser sira komisaun espesialidade sira nian, ne’ebé ohin halo leitura aprezentasaun iha Parlamento Nasionál.
Sesaun tuir mai depois halo apresiasaun ne’ebé prezide hosi Prezidénte Parlamentu Nasionál, Exelénsia Sra. Maria Fernanda Lay, tuir giaun ne’ebe aprova ona iha reuniaun konférensia lider bankada sira no sesaun ida tuir mai agora ne’e, Governu sei fó resposta ba pareser ne’ebé mak ohin hato’o ona, inklui mós sekuénsia tuir intervensaun husi deputadu/a sira.
VMAP subliña katak “Sua Exelénsia Primeiru Ministru ho Ministra Finansas, Sra. Santina Cardoso sei prepara hela pontu importante sira ho resposta ba pareser ne’ebé ohin komisaun C, trata assuntu Finansas Públika hato’o ona iha Parlamento Nasionál’, inklui mós sei aguarda prekupasaun husi deputadu/a sira, ho nune’e bele fó resposta”.
“Komisaun C nian aprezentasaun mak kona-ba ezekusaun”, tanba liña Ministrais balun no mós entidade balun ezekusaun sei zero, balun iha ezekusaun 70%, balun tun mai kraik no ohin mensiona hotu ona”.
Iha entidade balun hanesan Institutu Nasionál Seguransa Sosiál ne’ebé tutéla ba Ministériu Solidariedade Sosiál no Inkluzaun nia ezekusaun zero, tanba durante ne’e ninia ezekusaun la atualiza iha sistema portal tranparánsia governu nian.
Aleinde ne’e Exelénsia Sr. Adérito Hugo da Costa, hato’o katak Ministériu Edukasaun haree ona professor/a sira ne’ebé mak reformadu tama ona ba rejime obrigatóriu, Governu foin hatama proposta Lei no hetan aprovasaun hosi Parlamentu Nasionál, ne’ebé públika ona iha Jornál da Repúblika no Governu iha loron 180, hodi halo dekretu lei ba reforma obrigatóriu nian, tanba ita hotu hatene Parlamentu mak iha kompeténsia deside idade reforma nian.
Debate Jeneralidade durante loron tolu (3) hahú ohin loron 06 to’o 08 fulan Novembru no depois sesaun jeneralidade sei taka ho votasaun, hodi nune’e tama ba sekuénsia espesialidade durante loron Hitu (7), hosi loron 11 to’o 25 Novembru iha loron serbisu nian.