Kinta-feira loron 15 fulan-Novembru tinan 2025, iha parte loraik, Parlamentu Nasionál aprova OJE 2025 ba Ministériu Transporte no Komunikasaun – (MTC ho sigla portugés) ho Total Orsamentu US$13.353.528. Orsamentu refere fahe ba karegoria Saláriu e Vensimentu $.4.659.105. Bens e Serviços $.6.336.053. Transferĕncias Publika $.1.811.500, Kapitál Menor $.250.000 no Kapitál Dezenvolvimentu $.296.870.
Durante debate espesialidade ba MTK ne’e hetan kritika maka’as hosi bankada opozisaun kona-ba orsamentu refere, atu halo redusaun ba iha programa Funsionamentu no Dezenvolvimentu Instituisaun, ne’ebé tuir bankada opozisaun hosi Deputadu Antoninho Bianco deklara katak, sira mantein nafatin ho sira nia proposta hodi tama ba iha votasaun.
Rezultadu votasaun ba proposta alterasaun no. 63, ho votu A favor 20, kontra 0 abstensaun 6, nune’e hatudu katak proposta refere la pasa atu halo redusaun.
Aleinde ne’e tama ba iha votasaun OJE 2025 Ministériu Transporte no Komunikasaun aprovadu ho votus a favor 42, kontra 18, abstensaun 3.
Debate espesialidade iha parte loraik ne’e, Prezide hosi Prezidénte Parlamentu Nasionál no marka prezensa hosi Primeiru Ministru, Vise-Premeiru Ministru Assuntus Sociais no Vise-Primeiru Ministru Assuntu Ekonómiku, Ministru Vi Ministru Transporte no Komunikasaun, Vise-Ministru ba Asuntus Parlamentares, Membru IX Governo Constitucional inklui deputadu VI lejislatura sira no mós audensia sira.