Vise-Ministru ba Asuntus Parlamentares (VMAP), Sr. Adérito Hugo da Costa hamutuk ho membru IX Governo Constitucional sira kontinua akompaña Primeiru-Ministru (PM), Kay Rala Xanana Gusmão partisipa diskusaun no votasaun proposta Orsamentu Jerál Estadu (OJE) 2025 iha espesialidade loron 15 fulan Novembru 2024.
Parlamento Nasional, Dia 15 Novembro 2024 – Proposta alterasaun ba Ministériu Edukasaun iha rua, mak hanesan proposta no. 44, no 49 maibé proposta rua refere retira tiha husi deputadu proponente sira molok hakat ba votasaun.
Nune’e orsamentu jerál estadu 2025 ba ministériu edukasaun pasa ho votu A Favor 42, Kontra 0, Abstensaun 20.
Orsamentu ba Ministériu Edukasaun (ME) ho montante $113.098.784 kategoriza bá Saláriu no Vensimentu $92.383.226, Bens no Servisu $11.161.334, Transferênsia Públika $4.602.080, Kapitál Menór 1.054.214 no Kapitál Dezenvolvimentu $3.897.930.
Aleinde ne’e OJE2025 ba Ministériu Ensinu Superiór Siénsia no Kultura Pasa ho votus A Favor 43, Kontra 0, Abstensaun 19.
Orsamentu Ministériu Ensinu Superiór, Siénsia no Kultura (MESSK) hamutuk $6957.923, fahe bá kategoria Saláriu no Vensimentu $2.756.849, Bens no Servisu $1.201.074, Transferênsia Públika $3.000.000, Kapital Menór no Kapital Dezenvolvimentu zero (0).