Parlamentu Nasional, 18 Novembro 2024 – Orsamentu ba Ministériu Negósiu Estranjéiru no Kooperasaun – MNEC (sigla portugés) ho montante US$ 32.109.497 aprovadu iha debate espesialidade OJE 2025, iha Plenáriu Parlamentu Nasionál, loron 13, fulan-novembru, tinan 2024, ho votu afavór 43, kontra 20 no abstensaun 1.
Iha debate espesialidade OJE 2025, Deputada proponenti Lidia Martins husi bankada opozisau FRETILIN aprezenta proposta alterasaun Rua maka proposta númeru 68 no 72, maibé Governu desidi hasai orsamentu hosi dotasaun jeral estadu ba atevidade viajen lokal ba F-FDTL ho nune’e proposta 68 retirada no avansa ho proposta no 72.
Membru Parlamentu Nasionál ne’e hateten nia parte aprezenta proposta númeru 72 atu halo Eliminasaun ba orsamentu ho montante US$ 1.000,000 husi programa funsionamentu ni dezenvolvi mentu institusional hosi Atividade Jestaun Rekursus Humanus MNEK nian, tanba laiha fundamentu atu hasa’e numeru ba pesoal sira.
Hatan ba proposta 72 ne’ebé proponente sira aprezenta, Ministru Negósiu Estranjéiru no kooperasaun, Bendito de Jesus hateten atu bele konsolida instituisaun dezenvovimentu instituisionál no rekursu umanu konta ida iha Lei atual no 7 ne’ebé autorizasaun lejizlativa ba Governu no matéria fiksaun lejimitidade ba relasaun traballu funsiónariu públiku, ajénte administrasaun afeta tebes ba karreira diplomátika ita nian Embaixadór ne’ebé to agora iha idade ensima 60 no 65anos. MNEK ninian polítika atu konsolida instituisaun atu bele hala’o kna’ar ne’ebé di’ak liután, atu promove polítika esterna no diplomasia persiza kuadru kompeténte atu bele hatan ba nesesidade globál no dezafiu ne’ebé hasoru.
Hafoin hetan explikasaun husi Ministru Negósiu Estranjéiru no Kooperasaun, Bendito de Jesus, proponente sira nafatin mantein pozisaun hodi avansa ba votasaun ho rezultadu Afavor 22 kontra 40 no absteisaun 2.
Iha diskusaun OJE ba MNEC ne’e, nafatin ho prezensa Primeiru-Ministru, Kay Rala Xanana Gusmão, Vise-Primeiru-Ministru Área Ekonómika, Vise-Primeiru-Ministru Área Sosiál no membru Órgaun Ezekutivu sira hotu ne’ebé akompaña mós husi audiénsia.