Parlamentu Nasionál halo aprovasaun ba Orsamentu Ajénsia Teknolojia Informasaun no Komunikasaun, I.P. – TIC TIMOR iha Tersa- feira loron 19 fulan Novembru 2024, ho totál montante US$2.331.274, rezultadu afavor 41, kontra 6, abstensaun 16. nune’e OJE IP.TIC- TIMOR passa.
Orsamentu TIC I.P nian fahe ba kategória Saláriu Vensimentu U$.1.075.800, Bens Servisu U$ 88.474, Transferĕnsia Públika laiiha Kapitál Menor U$. 375.000, enkuantu Transferĕnsia Públika no Kapitál Dezenvolvimentu laiha.
Iha diskusaun ne’e bankada Governo liuhosi Deputadu Patricino Fernandes hatete katak oinsa TIC sira nia kontrolu kona-ba Radiu difuzaun nian, depois Prezidénte Repúblika antes halo ezersa nia funsaun husu uluk fiskalizasaun sensivél ba tribunal no tribunal deklara duni Lei radiu difuzaun inkonstitusinál ba iha artigu hirak ne’ebe Prezidénte Repúblika invoka to’o ikus mai PR Veta lei ne’e ho Inskonstitusionál, maibé Radiu Televizaun balu ne’ebe refere ba artigu inkonstitusionalidade ne’e, sei nafatin opera, tanba ne’e husu kontrolu hosi Ajénsia Nasionál komunikasaun ninia servisu to’o iha ne’ebe.
Hatán ba kestaun ne’e Vise-Ministru Assuntus Parlamentáres Adérito Hugo da Costa hatete katak Lei Radiu difuzaun nian ne’ebé aprovadu, maibé Prezidénte Repuluka veta. Governu liuhosi Transporte Komunikasaun ho ajénsia ANC nian, akompañia nafatin ba pontu situasaun sira ne’e.
Vise-Ministru VMAP subliña liután katak Regulamentu ba espasu frekuensia sira ba Radiu nomós Televizaun nian, durante eziste tinan barak nia laran ita nia espetativa no hanoin katak ho lei ida ne’e ita bele ultrapasa ona diskusaun tempu naruk ba assuntu regulamentasaun ba lisensa Radiu no Televizaun sira nian ho situasaun ne’ebé akontese.
MTC ho ANC, sei kontinua halo nafatin diskusaun iha futuru atu bele ultrapasa diskusaun ba tempu naruk ita bele halo regulamentasaun iha setór komunikasaun mais kontroladu no regulariza, tanba ita seidauk iha regulamentasaun ba refrekuensia nian no estadu seidauk bele regula ho didi’ak ezistensia Radiu Komunikasaun ne’ebé uza hela ninia frekuensa maibé laiha reglamentasaun ne’ebe apropriadu.
Iha diskusaun OJE 2025 ba Instituisaun TIC I.P nian nafatin ho prezensa Primeiru-Ministru, Kay Rala Xanana Gusmão, Vise-Primeiru-Ministru Área Ekonómika, Vise-Primeiru-Ministru Área Sosiál, Ministru Transporte no Komunikasaun, Vise-Ministru Assuntu Parlamentáres no membru Órgaun Ezekutivu sira hotu ne’ebé akompaña mós husi audiénsia sira.