Dili, 05 de Novembro 2024 – Vise-Ministru ba Asuntus Parlamentares (VMAP), Sr. Adérito Hugo da Costa simu vizita ida husi Konsellu Imprensa Timor-Leste hodi ko’alia kona-ba programa no atividade Southaast Asia Press Council Network (SEAPC-Net), iha edifisiu VMAP, palácio do Governo loron 5 fulan Novembro tinan 2024.
Iha sorumutu ida nebe lidera husi Sr. Otelio Ote informa katak Konsellu Imprensa iha Sudeste Aziatiku hanesan: Konsellu Imprensa Indonesia, Konsellu Imprensa Myanmar no Konsellu Imprensa Nasional Tailandia no Konsellu Imprensa Timor-Leste konkorda atu forma rede ida husi Konsellu Imprensa iha Sudeste Aziatiku.
ne’ebé koñesidu nu’udar ” Southaast Asia Press Council Network” (SEAPC-Net) ho objetivu atu haforsa kooperasaun entre membru Konsellu Imprensa ka organizasaun sira hanesan iha Sudeste Aziatiku no promove liberdade imprensa liuhusi regulamentu auto no respeitu Kodigu Etika Komunikasaun Sosial iha rejiaun ne’e.
Reuniaun ne’e marka prezensa husi Prezidente Conselho de Imprensa de Timor-Leste (CI), Sr. Otelio Ote, hamutuk ho Konselleiru Benevides Correia Barros, no DCSRIC.