Embaixadora Cuba iha Timor-Leste, S.E Grisel Alina Aldama halo enkontru kortezia ho Vise-Ministru ba Asuntus Parlamentares, S.E Adérito Hugo da Costa iha nia knar fatin Gabinete VMAP, Palacio do Governo.
Vise-Ministru ba Asuntus Parlamentares (VMAP), S.E Adérito Hugo da Costa, simu vizita ida husi Embaixadora Cuba iha Timor-Leste, S.E Grisel Alina Aldama Inniss hodi deskute kona-ba hametin relasaun servisu entre Cuba no Timor-Leste iha loron 6 fulan maiu tinan 2025.
Iha vizita ne’e Embaixadora Cuba iha Timor-Leste ne,e apresia ho Governo liu husi lideransa Vise-Ministru ba Asuntus Parlamentares nan, inklui relasaun Cuba ho Timor-Leste, “Há’u apresia ho Governo liuhusi lideransa S.E VMAP nian no apresia mós ba kooperasaun entre Cuba ho Timor-Leste liuliu iha área Medisina no Arte”, dehan Embaixadora, S.E Grisel.
Durante enkontru kortezia ne’e, VMAP no Embaixadora Cuba mós deskute kona-ba grupu parlamentar amizade entre Cuba ho Timor-Leste tanba Grupu Parlamentar Amizade entre Cuba ho Timor-Leste hanesan iniciativa ne’ebé fó oportunidade atu hametin relasaun diplomátika no kooperasaun parlamentár entre país rua ne’e.
Grupu ne’e bele fó impaktu ba kooperasaun iha área polítika, ekonomia no saúde, inklui formasaun ba timorenses iha área médika no kolokasaun médiku cubano sira iha Timor-Leste atu atende povu.
Aleinde ne’e embaixadora husu atu mantein nafatin kontinua grupo parlamentares entre Timor-Leste ho Cuba, no mos sira hakarak kontinua kooperasaun ba analfabetizasaun. Hanesan ita hotu hatene katak Cuba hatudu ona Komprimisu maka’as hodi fó apoiu ba Timor-Leste iha luta hasoru analfabetizasaun. Antes ne’e Cuba kolabora ona ho Timor-Leste kona-ba programa analfabetizasaun.
Ikusliu deskute mós kona-ba planu sira ne’ebé atu implementa iha futuru entre Cuba ho Timor-Leste