DILI, 13 Juñu 2025 – Governu Timor-Leste realiza ohin Jornada Orsamentál 2026 ho tema “Otimiza Rezultadu sira ho Despeza Realístiku sira” iha Auditóriu Kay Rala Xanana Gusmão, Ministériu Finansas, Dili.
Jornada Orsamentál ne’e hala’o ho objetivu prinsipal atu, Apresiasaun ba Tetu Fiskal 2026, no Define Prioridade Nasional 2026, signifika katak analiza prioridade nasionál sira ba tinan 2026, define senáriu tetu fiskál ba ezersísiu tinan oin nian, prepara fundasaun ba Orsamentu Jerál Estadu (OJE) 2026.
Aprezentasaun ba jornada orsamentaál ne’e sei aprezenta husi ministério finansas no BNCTL no CCITL.
Nune’e husi Ministériu finansas sei aprezeta kona-ba: “Panorama Makroekonómiku no Sosiál”, “Dezempeñu Reseitas Tinan Anteriores”, “Panorama Fiskál”, “Lia-menon husi Sidadaun sira”, “Dezempeñu Despezas Tinan Anteriores”, “Despezas Obrigatório” no “Senário Fiskal Indikativu 2026”.
Iha sorin seluk Banco Nacional Comércio Timor-Leste (BNCTL), aprezenta kona-ba “Dezempeñu no Dezafiu Setór Finanseira”, no Cámara Comércio no Indústria Timor-Leste (CCI-TL) aprezenta kona-ba “Dezempeñu no Dezafius Setór Privadu”.
Jornada Orsamentál sira reprezenta pontu partida esensiál ba preparasaun orsamentu, ne’ebé jeralmente organiza husi Ministériu Finansas.
Semináriu ne’e define prioridade governu nian no tetu fiskál ba tinan tuir mai, antes orsamentu hetan aprovasaun husi Konsellu Ministru no haruka ba Parlamentu Nasionál ba diskusaun no votasaun.
Eventu importante ne’e hetan abertura husi Primeiru-Ministru Xanana Gusmão no Ministra Finansas, no Partisipa másimu husi Vise-MInsitru ba Asuntus Parlamentares, S.E Adérito Hugo da costa no membro IX Governo Constitucional, involve partisipasaun husi entidade públika hotu-hotu tuir kalendariu preparasaun orsamentu nian.
Ba informasaun detallu liu kona-ba topiku aprezentasaun Jornada Orsamentál 2026, bele asesu iha https://qrco.de/bg4dJL