Ministro Presidénsia Konsellu Ministru (PCM), ho Sr. Agio Pereira akompanha husi Vise-Ministru ba Asuntus Parlamentares (VMAP) Excia. Aderito Hugo, hamutuk ho instituisaun tutelada no ekipa téknika sira, aprezenta Orsamentu Jerál Estadu (OJE) 2026 ba Komité Revizaun Orsamentál (KRO) iha edifisiu Ministeriu Finansas, kuarta-feira 13 de agostu 2025. (photo/©mediaVMAP)
Dili, 13 Agostu 2025, Ekipa Ministeriu Presidénsia Konsellu Ministru (MPCM) lideradu husi Ministro Agio Pereira akompanha husi Vise-Ministru ba Asuntus Parlamentares (VMAP), hamutuk ho instituisaun tutelada no ekipa téknika sira, aprezenta sira-nia Orsamentu Jerál Estadu (OJE) 2026 ba Komité Revizaun Orsamentál (KRO). Reuniaun ida-ne’e lidera diretamente husi Xefe Governu, S.E. Kay Rala Xanana Gusmão, iha Ministériu Finansas
Durante sesaun ne’e, Primeiru Ministru Kay Rala Xanana Gusmão subliña katak funsaun KRO nian la’ós de’it atu haree oinsá programa sira la’o, maibé mós atu garante katak jestaun osan povu nian halo ho di’ak liu tan.
“Ohin loron ita laos ko’alia deit programa sira ne’ebé iha maibe ita sei ko’alia mós kona-ba oinsá atu halo jestaun di’ak ba osan povu nian” Dehan PM.
PM mós fó mensajen ba instituisaun sira atu hatudu katak sira uza osan povu nian ho responsabilidade. “Instituisaun ki’ik sira tenke hatudu katak ita hatene uza osan povu nian ho responsabilidade,” PM esplika.
PM mós fó mensajen ba instituisaun sira atu hatudu katak sira uza osan povu nian ho responsabilidade. “Instituisaun ki’ik sira tenke hatudu katak ita hatene uza osan povu nian ho responsabilidade,” PM esplika.
Pontu importante sira iha aprezentasaun ‘Pasta Verde 2026 PCM’ nian ne’e inklui Programa no Dezempenhu Programa, Dezempenhu Ezekusaun, Forsa Traballu, Proposta Adisionál no Total Agregadu Submisaun.
Instituisaun sira ne’ebé tutela direta ba Presidénsia Konsellu Ministru mak hanesan, Arquivu no Muzéu Rezisténsia Timorense (AMRT), Centro Nacional Chega! IP (CHEGA.IP), Imprensa Nasionál Timor-Leste, I.P., Inspesaun-Jerál Estadu (IJE) no TATOLI-Agência Noticiosa de Timor-Leste, IP.
Reuniaun KRO ne’e lidera diretamente husi Primeiru Ministru no partisipa hosi Vise-Primeiru-Ministru sira, Ministra Finansas, Ministru Planeamentu no Investimentu Estratéjiku, Vise-Ministra Finansas, no ekipa observasaun sira hosi CFP, ADTL, INDDICA, no seluk tan.
