Vise-Ministru ba Asuntus Parlamentares (VMAP), S.E Adérito Hugo da Costa, hamutuk ho Vise-Ministru Fortalesimentu Institusional S.E, Paulo Remedios, akompaña Ministru Administrasaun Estatal S.E, Tomas Cabral inaugura ofisiál Balkaun Úniku iha Munisipiu Manufahi,Iha sexta-feira 15 de Agosto de 2025 (photo/©mediaVMAP)
Manufahi, 15 Agostu 2025, – Ministro Administrasaun S.E. Thomas Cabral akompanha husi Vise-Ministru ba Asuntus Parlamentares (VMAP), S.E Adérito Hugo da Costa, hamutuk ho Vise-Ministru Fortalesimentu Institusional, ofisiálmente inaugura Balkaun Úniku iha Munisípiu Manufahi, iha Postu Administrativu Same, Suku Letefoho, Aldeia Ria-Lau.
Balkaun Úniku mak Sentru atendimentu ida iha nível lokál, fatin ne’ebé sidadaun sira bele asesu ba informasaun no servisu públiku, mekanismu importante ba prosesu desentralizasaun no sistema ne’ebé expande prestasaun servisu ba atendimentu públiku.
Balkaun Úniku nia objetivu mak Hamenus burokrasia – facilita prosesu administrativo, Hasa’e transparénsia – halo administrasaun públiku sai klaru liu, Aumenta satisfasaun – hadi’a servisu ba povo no Reforsa konfiansa – kria konfiansa boot ba administrasaun públiku
Balkaun Úniku estabelese tuir baze legál Dekretu Lei Nº 49/2023 ne’ebé ko’alia kona-ba hatuur Balkaun Úniku hanesan servisu deskonsentradu, Iha Diresaun Jerál bia okos Simplifikasaun no Modernizasaun iha Administrasaun Lokál, no tutela iha Ministériu Administrasaun Estatal
Aleinde ne’e Dekretu Lei Nº 3/2025-Asegura instalasaun Balkaun Úniku no halo jestaun ba servisu Balkaun Úniku iha territóriu nasionál tomak.
Seremónia lansamentu ne’e hetan Partisipasaun másimu husi Autoridade Munisípiu Manufahi, Envolvimentu aas husi komunidade sira iha Munisípiu Manufahi no apoiu husi populasaun lokál
Balkaun Úniku refere sei facilita asesu ba servisu públiku ba komunidade rural, hamenus tempu no kustu ba sidadaun sira, hadi’a kualidade servisu públiku iha nível lokál no promove governasaun ne’ebé besik liu ba povo.
Ikus liu hakarak hatete deit katak Inaugurasaun Balkaun Úniku iha Manufahi reprezenta, Pasu importante iha modernizasaun administrasaun públiku, Implementasaun prátika ba desentralizasaun, Komprometimentu Governu nian ba servisu públiku di kualidade no Esfórsu atu aproxima Estadu ba sidadaun sira.
