Dili 01 de Outubro 2024 – S.E Sekretária Estadu ba Igualdade, Sra. Elvina de Sousa Carvalho, ne’ebé reprezenta VMAP, marka prezensa iha plenária iha Segunda, 1 Outubru 2024, ne’ebé prezide husi Prezidente Parlamentu Nasionál, Sra. Fernanda Lay.
Iha plenária ne’e, deputadu VI lejislatura sira ko’alia kona-ba asuntu edukasaun, inklui saláriu no kolokasaun ba profesór sira.
Reprezentante bankada PLP deputada PLP, Maria Angelina Lopes Sarmento, afirma, “Tuir Bolsa kandidatu professores remunerasaun sira ne’ebé nivel masteradu sira nia saláriu diferente ho sira ne’ebé Lisensiatura, maibé realidade sira nia saláriu ne’ebé maka sira simu durante fulan haat ona, nafatin saláriu nivel lisensitaura nian”,
Deputada ne’e mós akresenta liután katak “kolokasaun ba bolsa kandidatu ba iha fatin sira ne’e, Ministériu Edukasaun halo ona analiza no iha dadus ne’ebé konkreta ka lae?”, tanba destaka ema maibé laiha kondisoéns hodi bele ajuda sira hodi hala’o serbisu ho di’ak”.
Informasaun ida ne’ebé hato’o mak kona-ba profesora Ermera ida ne’ebé isin-rua, transfere husi Ermera ba eskola ida iha Oekusse EBC – Pasae-Belo. Distánsia dook hosi eskola halo nia tenke la’o bá-mai loroloron, hodi hamosu problema sira ne’ebé maka’as. Nia hetan evakuasaun ba Ospitál Oekusse hafoin transfere ba Ospitál Nasional. Tanba ne’e husu ba Ministériu Edukasaun bainhira koloka profesór sira, konsidera mós sira-nia kondisaun saúde, liuliu iha situasaun difisil.
Hatan ba kestaun ne’e, Sekretária Estadu ba Igualdade, Sra. Elvina de Sousa Carvalho, hateten katak preokupasaun hirak ne’e sei hato’o ba Ministériu Edukasaun hodi halo akompañamentu. Sesaun plenária refere partidipa másimu husi reprezentante governu no deputadu sira hotu.