S.E Vise- Ministru ba Asuntus Parlamentares Sr. Adérito Hugo da Costa representa Ministru Prezidensia Konsellu Ministru (MPCM), hola parte iha reuniaun ida hamutuk ho Diretór Ezekutivu Centro nacional Chega!. Sr. Hugo Maria Fernandes, hamutuk ho Prezidente Konsellu Administrasaun, Sr. Manuel M. Pereira hamutuk ho Membru Konsellu Administrasaun no ekipa Ezekutivu CNC hodi atualiza progresu servisu preparasaun Festival Fronteira 2024 ho tema “Interkambiu Kultural ba Hametin Rekonsiliasaun”.
Tuir planu ne’ebé iha Festival Fronteira refere sei realiza iha Rejiaun Administrativu Espesial Oekuse Ambeno (RAEOA), durante semana ida (1) hahu husi 14 to’o 19 Outobru 2024.
Hafoin rona tiha aprezentasaun husi ekipa CNC, S.E Vise-Ministru ba Asuntus Parlamentares hateten “espasu ida ne’e importante los, medidas ida CNC halo ne’e em nome estadu importante tebes ba dezenvolviumentu futuru, no marka ida ne’e ba oin kontribui ba ita nia rai kontribui ba ita nia povu, no rekonsiliasaun importante los atu hametin relasaun diak no estabilidade”.
S.E VMAP hatutan tan katak Festivál Fronteira ne’e, Prezidensia Konsellu Ministru rezista ona sai nu’udar portofolio ida Centro Chega! Nian ne’ebé labele husik no tenke dezenvolve nafatinba oin.
Aleinde ne’e Festival Fronteira refere sei partisipa mós husi komunidade sira husi nasaun viziño Indonesia hanesan Atambua no Kupang NTT, tanba ne’e vantajen di’ak ba relasaun ente pais viziño sira, entre povu iha illa ida nee.
Iha soriun seluk S.E MVAP ne’ebé reprezenta mós MPCM ne’e mós lori IX Governo Konstitusional nia naran hato’o Agradesimentu wain ba Centro Nacional Chega!. ne’ebé dezenvolve tan inisiativa foun ba festival tinan ida ne’e nian.
Festival refere sei unklui mós atividade lubuk ida hanesan, Seminariu/Workshop, Dialogu, Desportu Rekonsiliasaun, Mural Paiting, Kalan Kultural nst. Programa refere Parseria entre CNC, SEAK no RAEOA.
