Parlamento Nacional 21 Outubro 2024 – Prezidénsia Repúblika submete proposta orsamentu OJE 2025 hamutuk $10,844.151.00, ne’ebé aprezenta iha Audénsia Públika ho Komisaun A trata assuntu Konstitusionál no Justisa Parlamentu Nasionál.
Proposta Orsamentu ba tinan 2025, ho montante $10,844.151.00 hodi aloka ba kategoria sira mak hanesan, Saláriu no Vensimentu ho totál $4.893.100, Bens no Servisu ho totál $4.401.821,00, Kapitál menór totál $150.000,00, Transferénsia Públika ho totál $1.001.000, Kapitál Dezenvolvimentu ho totál orsamentu $398.230,00.
Orsamentu Jerál Prezidénsia Repúblika ba tinan 2025 hetan redusaun 2% kompara ho orsamentu 2024 nian iha OJE 2024 ho montante $10.948.750,00. Tuir portál transparénsia ohin loron, 21 fulan-Outubru, PR ninia ezekusaun atinji ona 70%.
Iha Prezidénsia Repúblika iha totál forsa traballu hamutuk 489 ne’ebé kompostu husi Funsionáriu permanente 116, Kazuál/kontratadu 331, Asesór Nasionál 14, Asesór Internasionál 8, Tékniku Espesializadu 16 no 20 sira seluk apoiu servisu PR.
Aprezentasaun programa no orsamentu 2025 Prezidénsia Repúblika, hato’o hosi Asesor Planeamentu no Finansas no akompañia hosi Diretora Jerál PR no kargu xefia sira seluk iha aúdiensia públika ho Deputadu sira iha komisaun A.