Dili, loron 23 fulan-Outubru tinan 2024, Ministru Obras Públika – MOP, Exelénsia Señor Samuel Marçal ho nia komitiva sira hala’o Audénsia Públika ho Komisaun E trata assuntu Infraestrutura Parlamentu Nacional, hodi aprezenta ezekusaun orsamentu 2024 no proposta programa no orsamentu OJE 2025.
Programa ne’ebe mak sei implementa iha 2025 mak hanesan Programa Estrada no Ponte sira, Programa Dezemvolvimentu Rurál no Urbana, Programa Funsionamentu no Dezemvolvimentu Institusionál, Programa Agua no Saneamento, Programa Eletrisidade no Laboratóriu Infraestrutura.
Proposta OJE ba 2025 maka $270.757,350 ne’ebé iha aumentu oituan, tanba atu selu projetu sira ne’ebé konklui tiha ona no projetu barak maka mak lao hela, ne’ebé sei konklui iha tinan 2025. Totál $270.757,350, sei kobre ba Salariu e Vensimentu $ 9,182.148, Bens e Serviços $19,032.404, Transferências Publicas $ 176,500.000, Kapitál Dezenvolvimentu $ 66,042.798 no Kapitál Menor $0.
Orsamentu ba Ministériu Obras Públika (MOP) iha tinan 2024 hamutuk $ 224.279,372 no ezekusaun hosi fulan-Janeiru to’o fulan-Outubru ohin loron hamutuk 90.2%.
Ezekusaun Orsamentu 2024 Saláriu no Vensimentu $9,187.551 (60,78%), Bens no Servisu $21.802,827 (42,16%), Transferensia Publika $155,000.000 (99%), Kapitál Menór $ 198.400 (18,57%), Kapitál Dezenvolvimentu $38,090.594 (40,40%).
MOP garantia tinan ne’e nia rohan Kapitál Dezenvolvimentu bele sae to’o 80%, tanba projetu balun konklui hotu ona, maibé seidauk halo pagamentu, tanba kompañia no Autoridade Dezenvolvimetu Nasionál – ADN sei halo diskusaun kona-ba presu, nune’e maka prezudika ezekusaun pagamentu atrazu.
Forsa traballu iha MOP hamutuk ema na’in 1,119, Funsionariu permanente 421, ajénte, Administrasaun Públika 79, Kontratadu 560, Assesora internasionál 11, Assesor nasionál 25 no apoiu politíka iha 26.
Audénsia Públika entre MOP ho Komisaun E hetan partisipasaun máximu hosi parte rua, to’o diskusaun remata.