Deputadu no Bankada Parlamentar sira aprezenta proposta alterasaun hamutuk 73, atu reduz no aumenta orsamentu tuir programa sira ne’ebé previstu iha Prosposta Lei Nº12/VI(2ª) – Orsamentu Jerál Estadou ba 2025.
Submete ona ba Gabinete Prezidente Parlamentu Nasionál, iha sexta-feira liu ba, hodi halo revizaun ba nia konteúdu no substánsia husi prosta sira ne’e, molok admiti ka la admita, tuir regra rejimentál no Lei Enkuadramentu Orsamentál,
Husi Proposta alterasaun 73, admitida 70 no la admitida 3.
Iha proposta alterasaun 70 ne’e , proposta emenda (redusaun) 67 ne’ebé aprezenta husi Bankada FRETILIN no proposta adisionál 3 husi Komisaun B – Negósiu Estranjeiru, Defeza no Seguransa Parlamentu Nasionál ba iha Ministério Defeza, Polísia Nasionál Timor-Leste no Servisu Nasionál Intelijênsia.
Instituisaun Públika sira ne’ebé hetan alterasaun lius husi proposta de emenda atu redus sira nia orsamento husi programa ida-idak nian, mak hanesan: Prezidénsia, Repúblika, Parlamentu Nasionál, Primeiru-Ministru, Vise Primeiru-Minsitru área ekonómika, Vise Primeiru-Minsitru área Sosiál, Minsitériu Koordenadór ba Asuntu Ekonómiku, Sekretária Estadu Formasaun Empregu Profisionál no Empregu, Dotasaun Jerál Estadu, Ministériu Negósius Estranjeirus no Kooperasaun, Ministériu Justisa, Ministériu da Administrasaun Estatál, Ministériu Edukasaun, Ministériu Obras Públikas, Ministériu Transportes no Komunikasaun, Ministériu Petróleu no Rekursus Minerais, Ministériu Solidariedade Sosiál no Inkluzaun, Autoridade Munisipál Bobonaro, Fundu Infraestruturas, Fundu Espesiál baDesenvolvimento Ataúro no Unidade ba Misaun hodi Kombate Stunting.
Informasaun klean no kompletu liu tan konaba proposta altersaun sira ne’e, bele asesu ou scan liu husi link:
