Ohin tama ba loron dahuluk debate espesialidade ba proposta lei no 12/VI (2a).
Parlamentu Nasional, Dia 11 de Novembro 2024 – S.E Vise-Ministru ba Asuntus Parlamentares, Sr. Adérito Hugo da Costa no Membru IX Governu Konstitusional akompaña S.E Primeiru Ministru, Sr. Kay Rala Xanana Gusmão hodi partisipa iha debate espesialidade orsamentu jerál estadu 2025 (OJE) ba proposta alterasaun sira iha loron 11 Novembru 2024.
Proposta Alterasaun hamutuk 73, ne’ebé opozisaun hato’o, hahu uluk husi Prezidểncia Repúblika ho Proposta alterasaun 6 mak hanesan Proposta Alterasaun no. 34, 35, 36, 37, 56 no 77 atu bele hetan redusaun iha programa tolu (3).
Molok tama ba aprovasaun proposta alterasaun, Parlamento Nacional hahu aprova uluk artigu I, objetu no ambitu husi PPL ho votus a favor 39, kontra 0, abstensaun 23. Nune’e tuir kedas debate ba artigu II apresiasaun ba tabela orsamentál sira, ne’ebé Parlamento Nacional aprova alinea ba alinea no anexu tabela sira husi artigu refere mak hanesan tabela I,II, VII no X.
Iha debate no apresiasaun hosi deputadu proponente sira hato’o ba meza kona-ba sira nia proposta redusaun, no ikusmai hetan esplikasaun hosi Governo tuir kedas ho votasaun ba proposta sira ho rezultadu a favor 22, kontra 40 no abstensaun 1 husi proposta ne’en (6)ne’e . Nune’e proposta alterasaun sira ne’ebé temi LA PASSA.
Tuir mai votasaun ba orsamentu Prezidểncia Repúblika ho total 10.844.230, PASSA ho votu a favor 41, kontra 12 no abstensaun 10 .