DILI, Parlamentu Nasionál aprova orsamentu Prezidénsia Konsellu Ministru-PCM (sigla portugues) iha faze espesialidade ho montante millaun $4.956.893 ba OJE tinan 2025 iha loron 13 fulan-Novembru tinan 2024.
Orsamentu ne’e aprova ho votasaun em bloku ba Prezidénsia Konsellu Ministru, Sekretária Estadu Igualdade, Sekretária Estadu Komunikasaun Sosiál no Ministru Koordenadór Asuntus Ekonómikus ho votus Afavor 41, Kontra 18 no Abstensaun 2.
Orsamentu ba Presidencia Conselho Ministro 2025 ho totál milaun $4.956.893 fahe ba kategoria saláriu no vensimentu $2.929.942, Bens Servisu $2.026.951, Transferénsia Públika laiha, Kapitál menor laiha nomos kapitál Dezenvolvimentu laiha.
Orsamentu hirak ne’e inklui ona orsamentu Vise-Ministru Asuntu Parlamentár nian.