Vise-Ministru ba Asuntus Parlamentares-VMAP, Sua excelência Sr. Adérito Hugo da Costa hola parte iha diskusaun plenária loron 20 fulan janeiro, tinan 2025 hodi deskute kona-ba setor edukasaun iha Timor-Leste, inklui eviksaun, infra-estrutura no seluk tan.
Parlamento Nacional, 20 de Janeiro 2025 – Ajenda ba sesaun plenária iha loron refere relata kona-ba informasaun kona-ba relatório fiskalizasaun Komisaun Finansas Públikas, husi Munisípiu Baucau no Bobonaro, fiskalizasaun Komisaun Ekonomia no Dezenvolvimentu husi Munisípiu Lautem, Informasaun kona-ba relatório relativu partisipasaun iha 149a Reunião da União Interparlamentar (UIP) iha Genebra. Deklasaun Politika husi Bankada Parlamentares sira, intervensaun diversa husi deputadu sira no intervensaun husi S.E VMAP.
Nune’e iha Deklarasaun poliktika husi Bankada FRETILIN mensiona asuntu lubuk ida mak hanesan Politika Jeral atu hadia edukasaun nudar diretiu fundamental sidadaun ida nian, Problema infrestrutura bazika eskola nian, Falta no menus professores, kualidade merenda eskolár, ne’ebé kontinua laiha solusaun ida ne’ebé efikás, Rehabiliatasaun ba edifisiu eskola, Programa eviksaun ho ninia impaktu ba estudante sira ne’ebé afetadu husi eviksaun nee, planu konstrusaun sala foun.
Bankada Opozisaun sira mós kontinua kestiona rekrutamentu ba professores kontratadus iha plenária, maske governu liu husi Ministeriu Edukasaun kria ona politika ida atu halo teste espesial ba sira ho matéria ne’ebé razoável.
Iha sorin seluk Bankada CNRT mós hato’o Deklarasaun Politika hodi hatan ba eviksaun ne’ebé durante foti iha plenária,katak evikasaun ne’e hanesan dala ida hodi hases populasaun husi risku ka dezastre naturais, Promove seguransa natureza ka sidade verde,hadia sidade Dili tuir planu no programa IX Governo Constitucional nian, no evita populasaun halo konstrusaun iha area risku.
Nune’e iha Intervensaun Vise-Ministru ba Asuntus Parlamentares-VMAp, S.E Adérito Hugo da Costa hateten katak IX Governo Constitucional Komprometidu atu hadi’a kualidade Edukasaun, Infra-estrutura, Injustisa sira ne’ebé pessoal balun Komete.
“IX Governo Constitucional komprometidu atu hadi’a kualidade edukasaun, eleva kualidade edukasaun iha Timor-Leste, ho introduz medidas ne’ebé IX Governo hare’e katak bele rezolve kestaun kualidade professores no kualidade estudante sira nian, aumenta sala de aula, hadia eskola foun atu to’o ona 67 postu ne’ebé iha, no problema edukasaun sei kontinua as iha Timor tanba ne’e Governo toma responsabilidade atu hadia lacunas hiraki ne’e no rezolve dadaun ona problema hirak ne’ebé akontese iha setor edukasaun”. Dehan S.E VMAP.
Aleinde ne’e S.E VMAP hatutan liutan katak Eviksaun ne’ebé Governo halo atu komunidade sira la bele hela iha risku, liu mota ninin, no la bele okupa espasu publiku, tanba agora dadaun IX Governo liu husi Ministériu Justisa hakas an hela hodi halo levantamentu hodi rezolve problema injustisa sira ne’ebé akontese liliu mal prátika sira ne’ebé fó arendamentu ba loja sira, propriedade privadu sira ne’ebé arenda hotu.
Reuniaun Plenária ne’e rasik prezide hosi Prezidente Parlamentu, Sra. Fernanda Lay. Marka prezensa mós husi VMAP, Deputadu sira, no membru Parlamentu sira.