Díli, Timor-Leste – 7 Maiu 2025, – Vise-Ministru ba Asuntus Parlamentares (VMAP), S.E. Adérito Hugo Da Costa, partisipa iha serimónia ofisiál Inaugurasaun Embaixada Repúblika Angola nian iha Timor-Leste, ne’ebé akontese iha loron Tersa, 6 Maiu 2025.
Inaugurasaun Embaixada Angola nian ne’e hatudu parseria estratéjika no ligasaun kulturál forte entre Timor-Leste no Angola. Nasaun rua ne’e hetan ligasaun istóriku no lian komun portugés, ne’ebé fó baze ba kooperasaun iha futuru.
Liuhusi partisipasaun S.E. VMAP nian iha eventu nee, subliña importánsia relasaun bilateral entre Timor-Leste no Angola, no kompromisu Governu Timor-Leste atu haforsa liután relasaun diplomátiku, hodi kontribui ba dezenvolvimentu nasional no kooperasaun CPLP.
Aleinde ne’e serimónia ne’e rasik hetan prezensa husi autoridade importante sira, inklui, Prezidente Repúblika Timor-Leste, Dr. José Ramos Horta, Vise-Primeiru Ministru, S.E. Kalbuadi Lay, Embaixadór atual Repúblika Angola nian ba Timor-Leste, S.E. José Andrade de Lemos, Representante Prezidente Parlamentu Nasionál, Sra. Maria Terezinha da Silva Viegas, Ministru Negósius Estranjeiros no Kooperasaun Timor-Leste nian, Sr. Bendito dos Santos Freitas, Ministru Justisa, Dr. Sergio Hornai, no Tribunál Rekursu, Majór Tenente Jerál Lere Anan Timur, Embaixadór sira no konvidadu ondra sira seluk