Semana Oseanu iha Timor-Leste hanesan selebrasaun semanal ida ne’ebé hala’o husi loron 1 fulan Juñu to’o loron 8 fulan Juñu tinan 2025, hodi fó onra ba Loron Mundiál Oseanu nian, hodi subliña importánsia hosi konservasaun tasi nian.
Eventu ne’e iha atividade oioin iha munisípiu lubuk ida, inklui Dili, Aileu, Ainaro, Lautem, Manufahi, no Oecusse, no mós vizita espesiál ba Illa Ataúro.
Nune’e Vise-Ministru ba Asuntus Parlamentares (VMAP), S.E. Adérito Hugo da Costa, hamutuk ho Prezidente Autoridade Munisípiu (PAM) Ainaro, Sra. Manuela Georgina Carmo Bucar Corte-Real, kuda ai-oan ba loron mundiál semana Oseanu 2025 ho tema (Ekonomia Azul, Ha’u-nia Tasi, Ha’u nia Timor), iha área Tamhu, Suku Soro, Postu Administrativu Ainaro, Munisípiu Ainaro.
Ai-oan ne’ebé kuda mak, Au’u, Ai-Cendru, Dut Bitiber, no local kuda ai-oan ne’e iha fatin hirak ne’ebé sempre mosu inundasaun.
Munisípiu Ainaro iha papel importante iha selebrasaun Semana Oseanu 2025 liu husi programa kuda ai oan nian ne’ebé ligadu ho protesaun ambiente no ekosistema kostál.
Programa kuda ai iha Ainaro durante Semana Oseanu iha objetivu importante liuliu iha área kostál, kontribui ba, Redús gás karbonu iha atmosfera, Proteje bee tasi husi poluisaun, Kria habitat ba ikan no krustáseu sira, Prevene inundasaun no erozaun.
Programa ida ne’e importante tebes ba Ainaro tanba munisípiu ne’e iha área montanha no kostál rua, ne’ebé presiza balansu entre dezenvolvimentu no konservasaun natureza nian ba proteje oseanu no ekosistema tomak.
Enkuantu iha atividade refere, partisipa husi Secrtário Munisipál PIDI, Komadante Polícia (KP) Ainaro, ho Membro sira, Diretores Servisu Minisípal Ainaro, Administradór do Posto Administrativo Ainaro, Funsionário Públiku sira, inklui estudante husi Eskola secundário Geral Fernando Lasama (ESGFL) no estajiadus husi Ististutu Ciéncia da Saúde (ICS) Dili.