Vise-Ministru ba Asuntus Parlamentares (VMAP) S.E. Aderito Hugo da Costa, hamutuk ho CEMGF Tenente Jeneral Falur Rate Laek, no oan mane mesak Saudozo Prezidente Nicolau Lobato Sr. Jose Lobato, akompaña Sua Exelénsia Prezidente da Republika Dr. José Ramos partisipa iha serimónia komemorasaun loron Falintil 20 de Agostu ba dala 50 iha fatin sagradu Binani, suku Mindelu, postu Administrativu Turiskai, munisípiu Manufahi. (photo/©mediaVMAP)
Turiskai, 16 de Agosto de 2025 – Vise-Ministru ba Asuntus Parlamentares (VMAP), S.E Adérito Hugo da Costa, akompaña Sua Exelénsia Prezidente da Republika Dr. José Ramos Horta hola parte iha serimónia komemorasaun loron Falintil 20 de Agostu ba dala 50 iha fatin sagradu Binani, suku Mindelu, postu Administrativu Turiskai, munisípiu Manufahi.
Binani mak fatin ida ne’ebé Saudozo Prezidente Nicolau Lobato hamutuk ho as’wain resisténsia sira mate ba durante combate hasoru forsa militar Indonézia sira. Momentu ida neba sai mos nudar momentu ida krítiiku tebes iha Luta ba Independénsia Timor-Leste nian.
Komemorasaun Ba Dala 50 loron FALINTIL (20 Agosto 1975), nu’udar momentu reflesaun kona-ba sakrifikasaun sira ne’ebé falintil sira halo ona, Reafirmasaun ba valor resisténsia no independénsia.
Seremónia komemorasaun Loron FALINTIL ne’e mós nu’udar Tributu solene ba erói nasionál sira, Reafirmasaun ba valor independénsia, Komprometimentu atu kontinua konstrusaun nasaun no Unidade entre líder no povu iha memória kolektiva.
Komemorasaun ne’e rasik marka prezensa masimu husi , Populasaun Suku Mindelu, munisípiu Manufahi, Veteranu sira ne’ebé sei moris, Jovem sira hanesan reprezentante jerasa foun, Líder Militar no Autoridade Lokál, Líder Másimu FALINTIL – Forsa Defeza Timor-Leste (F-FDTL), Exelentísimu Jenerál “Lere Anan Timur”, Prezidente Autoridade Munisípiu Manufahi no Autoridade Lokál Postu Administrativu Turiskai
Komemorasaun kontinua to’o loron 20 de Agosto ho serimónia ofisiál iha Díli no munisípiu sira seluk iha nasaun tomak.
