Iha loron 11 Novembru 2024, parte loraik, S.E Vise-Ministru ba Asuntus Parlamentares, Sr. Adérito Hugo da Costa no Membru IX Governu Konstitusional nafatin akompaña S.E Primeiru Ministru, Sr. Kay Rala Xanana Gusmão hodi partisipa iha debate espesialidade orsamentu jerál estadu 2025 (OJE) ba proposta alterasaun Parlamento Nacional nian.
Proposta Alterasaun Parlamento Nacional nian hamutuk walu (8), mak hanesan proposta alterasaun no. 16, 33, 45, 70, 23, 32, 42 no 51 atu bele hetan redusaun iha programa rua (2).
Hafoin aprezenta ba meza kona-ba proposta redusaun husi Deputadu sira, Governo mós halo kedas esplikasaun ba deputadu sira kona-ba preokupasaun ne’ebé sira hato’o. Nune’e proposta husi Parlamento Nacional nian ne’e LA PASSA ho votu A Favor 0, Kontra 42 no la vota 22 ne’ebé PN bele konsidera hanesan abstensaun.
Aleinde ne’e proposta alterasaun no. 51 la passa tanba hetan implikasaun husi proposta alterasaun no. 23.
Nune’e orsamentu Parlamento Nacional ho totál $. 23.509.772 aprova ona ho votu A favor 42, Kontra 0 no Abstensaun 0.
Diskusaun OJE 2025 ne’e Prezide husi Prezidente Parlamento Nacional Sra. Maria Fernanda Lay no marka prezensa maximu mós husi deputadu VI lejislatura sira.