Parlamentu Nasional, Dia 18 de Novembro 2024 – Ohin, tama ba loron da-lima, kontinua ho diskusaun no votasaun iha espesialidade ba alinea e) – Tabela V – Despesa do subsetor da Administração Central, por classificação orgânica, económica e estruturada por programa husi PPL Nº 12/VI (2ª) OGE 2025.
Vise-Ministru ba Asuntus Parlamentarés, Adérito Hugo da Costa hamutuk ho Membru IX Governo Konstitusionál akompaña Primeiru Ministru Kay Rala Xanana Gusmão, hodi kontinua halo diskusaun no votasaun ba OJE 2025.
Parlamentu Nasionál aprova orsamentu Ministériu Defeza no Falintil-Força Defesa Timor-Leste – F-FDTL iha faze espesialidade, ho votu afavór 44, kontra 0 no abstensaun 20
Ministériu Defeza iha aumentu (+) orsamentu $. 750.000 ba Programa 510: Funcionamento e Desenvolvimento Institucional, ne’ebé hasai husi programa politika externa – PETL husi dotasaun jerál estadu -DGE. Nune’e, Ministériu Defeza nia orsamentu previstu ba 2025 ho montante 10.938.078 sae ba 11.688.078.
Kategoria Saláriu no Vencimentu $3.086.253, Bens Servisu $7.051.825, Transferência Públika laiha, Kapitál Menor laiha, Kapitál Dezenvolvimentu $800.000.
Nune’e orsamentu ba F-FDTL $35.697.792, kategoria Saláriu no Vencimentu $19.145.445, Bens Servisu $16.052.347, Transferência Públika laiha, Kapital Menor $500.000, Kapital Desenvolvimentu laiha, ho votu afavór 44, kontra 0 no abstensaun 20
Iha debate espesialidade ne’e iha Proposta Alterasaun ida husi Komisaun B Parlamentu Nasionál ne’ebé trata asuntu negósiu estranjéiru, Defeza no Seguransa Nasional, proposta númeru 5 atu aumenta orsamentu $3.800.000 maibé Proponente deside retira ho razaun proposta OJE 2025 programadu.
Ministru Defeza, Donaciano da Costa Gomes “Pedro Klamar Fuik” hatete Defeza hanesan asuntu konsensual ba ita nia nasaun, tanba ne’e ita hotu tenki haree hamutuk, Agradese ba proponente sira ne’ebé hakarak aumenta orsamentu ba F-FDTL nian viazem lokál hamutuk $1.000.000 (Proposta Alterasaun Nú.71) agradese mós ba proponente ba proposta alterasaun númeru 5 ne’ebé mak retira ona.
Debate espesialidade refere sei kontinua ho final globál.